Monday, February 28, 2011

صبرية الصفدي....سنديانه صفديه جذورها بالقدس وظلالها بصفد.





صبرية الصفدي: يعطيكم العافية، بدي أشكركم على ها البرنامج اللي فعلاً هو مهم وبهاي المرحلة المهمة، توصلوا معاناتنا وصورتنا لكافة العالم، وأنا اسمي
صبرية الصفدي: مش ام علي المسلماني ابني المعتقل هاي صورهم معاي ابني وأخوي، هذا ابني محكوم 21 سنة نمر ابني الأكبر، وأبو اللحية أخوي محمود محكوم 27 سنة، امضوا منهم الاثنين 14 سنة، وأنا بأحب في البداية أعتذر عن اللي شفتوه بالتقرير لما بكيت، عمري ما بكيت أنا، بيشوفوني ولادي أو أي مناضل يشوفني، طول عمري وأنا قوية الحمد لله زيي زي أي أم وزوجة وأخت فلسطينية، بس ما كنت عارفة إنها بتصور وصورتني وأنا أبكي يعني.
في البداية بأحب أقول لك أنه أنا من 86 اللي بأعاني اعتقل أخوي بـ 86 صبري اعتقلوه من المطار، ما شفنا هوش شفناه بعد 48 ساعة في سجن (الماسكوبية) أخي أمضى عام وطلع بعديها اعتقلوا ولادي الثلاثة وإخوتي التِنين الباقيين، شو بدي أوصف لك معاناتي؟ أصعب معاناة فترة التحقيق للأسرى، إحنا مسمين الماسكوبية مسلخ، لأنه كل جميع أنواع التعذيب فيه قد ما بدي أوصف لك مش راح أوصف لك الكيس، الشبح، قلة النوم، يعني شو بدي أقول لك؟ لما كان يطلعوا من الماسكوبية نقول إنهم طلعوا من هذا المسلخ، لعدة سنوات..
ليلى الشايب: الماسكوبية سيدة.. سيدة صبرية عفواً لمن لا ربما لا يعرف هذه المصطلحات، الماسكوبية هي..
صبرية الصفدي: الماسكوبية هي..مركز التحقيق..
صبرية الصفدي: مقر مركز التحقيق في القدس وهاي بتكون أصعب فترة للأسير ولأهله، لأنه بيستعملوا كل أنواع التعذيب معاهم يعني، يعني ما فيش..
ليلى الشايب [مقاطعاً]: ماذا كانت التهمة بالنسبة للاثنين سيدة صبرية؟
صبرية الصفدي: لأ خمسة.. هم ستة أخوي طلع بـ 87 صبري، بعديها لسنة الـ90 كانوا واخدين ولادي الثلاثة وإخوتي التنين الباقيين، فصفوا خمسة إلي بالسجن، كل واحد حطوه في سجن، وأصعب معاناة كانت إلي إنه لما كان يجيني زيارة سجنين بنفس اليوم، الساعة 3 نطلع من الدار نوصل عسقلان نزور أول فوج بعدين نكمل على بير السبع، وهذه معاناتي من معاناة آلاف.. آلاف الأسرى الفلسطينيين.. أهالي الأسرى الفلسطينيين
صبرية الصفدي: مع فلايق الصبح كنا نطلع.. معاناة كبيرة لأهالي الأسرى وللأسرى، وتفتيش مذل، وصعوبة، ومعاناة يعني بدها سنين لما الواحد يعبر عنها، بس اسمح لي أحكي شغلة مهمة، المعاناة اللي مرقت الله عانا عليها إحنا، بس ها الوقت إحنا بنطلب من المفاوض الفلسطيني ومن.. من كل العالم ومن.. من مصر، من أميركا، من الأردن اللي تدخلوا للهدنة ولعملية السلام إنه ها الوقت مفروض إنه الكل يتدخل والسلطة ما تعقد.. ما توافق ولا.. على أي اتفاقية دون إطلاق سراح كافة الأسرى بدون قيد أو شرط، بدون.. بغض النظر وين ما كان سكناهم، انتماءاتهم السياسية، بدون تمييز.
أختي الكريمة، زي ما حكيت لك المعاناة اللي مرقت لأولادنا ولإلنا الله عانا عليها، بس المعاناة الحقيقية فعلاً اللي إحنا شعرنا فيها أكثر ومرارة أكثر من أوسلو لحد هذا اليوم، لأنه إحنا أولادنا مش جنائيين نستنى على بال ما إسرائيل بحسن نية تفرج عنهم، لأ هذا قضيتهم قضية سياسية ولازم يكون فيه اتفاق سياسي ويفرج قبل أي بند، قبل أي اتفاق على الأرض على أي شيء يُطلق سراح كافة الأسرى بدون قيد أو شرط، لأنه إحنا لا خلينا صليب أحمر، ولا قناصل، ولا سفارات، ولا أي محل، بقى لنا.. فيه ناس إلهم 20 سنة بيعانوا وبيكافحوا، إحنا طول عمرنا بنناضل مع أولادنا، بيضربوا عن الطعام إحنا بنكون جنبهم مضربين بالصليب الأحمر عن الطعام، طول عمرنا بنشاركم بالنضال فيه انتفاضة مرقت الانتفاضة الأولى وانتفاضة الأقصى وإذا ما صارت.. إذا ما أطلقوا سراح الأسرى راح يكون فيه انتفاضة ثالثة اللي هي انتفاضة الأسرى اللي ما حدا رايح يوقفها، فإحنا بنطالب من السلطة ما تقع بنفس المشكلة اللي وقعتها وقت أوسلو إنه يكونوا حذرين جداً ما يستنوا حسن النوايا من إسرائيل، لأنهم أولادنا مش جنائيين، زي ما كانوا جنود بالحرب، هلا هم جنود بعمليات السلام، وهم وافقوا على الهدنة كل الفصائل، ضمن.. ضمن ها.. ها الـ.. هذا العمل الجدي كل الدنيا تضغط على إسرائيل اللي يطلعوا أولادنا ها دولا المناضلين بدون قيد أو شرط، مش إسرائيل تطلع على خاطرها. تفضلي.
ليلى الشايب: طيب.. سيدة صبرية صوتك وصل فعلاً. طيب أنت امرأة مريضة من.. من يُعيل أسرتك في غياب كل الذين افتقدتيهم؟
صبرية الصفدي: يعني قد أيش بدي أوصف لك أنا عانيت وتعذبت وتغلبت وأنا ما فيش إلا أنا وبناتي التِنتين وأمي الختيارة في البيت كنا، عانيت زيي.. زي آلاف من.. من أهالي الأسرى، وها الوقت طلعوا لي أولادي اتنين وإخوتي اتنين طلعوا ظل اتنين اللي هو ابني الكبير اللي محكوم 21 سنة وقضى منهم نمر 14 سنة، وأخوي محمود اللي خاطب محكوم 27 سنة وقضى منهم 14 سنة، وخطيبته مُصرة إنها تستناه، شو بدي أوصف لك شعوري ومرارتي أنه أنا ابني المفروض هلا يكون جنبي بهاي الظروف يرعى إخوته وإخواته يساندني على ها الحياة، اجتماعياً يكون جنبي، من ناحية نفسية من كل إشي، قبل الأرض قبل أي إشي الأسرى.. الأسرى لأنه الإنسان عمره محدود، إحنا بدنا يطلعوا أولادنا وإحنا طيبين، لأنه ياما ماتوا أميات وأبيات وأولادهم بالسجن، وبعدين هلا الإسرائيليين شنوا هجمة على السجون، يعني إمبارح في سجن عسقلان راحوا الأهالي يزوروا بيتفاجئوا إنه كل الأبواب مسكرة وما فيه واحد يرد عليهم يقول لهم ليش هذا العقاب إنهم منعتهم الإدارة من الزيارة، وبكرة فيه زيارة للضفة، قالوا لنا الصليب الأحمر اليوم إنهم برضو ممنوعة بكرة الزيارة، وإحنا ولا الصليب عارفين شو فيه..
ليلى الشايب [مقاطعةً]: نعم، طيب سيدة.. سيدة صبرية..
صبرية الصفدي: اسمحي لي يا أمه إحنا بهذا الوقت مش عارفين كيف وضع أولادنا في سجن عسقلان، لأنهم ممنوعين من الزيارة وإحنا مش عارفين شو الوضع اللي هم فيه. ما فيش حد يقول لنا شو.. شو اللي سووا.
    

No comments:

Post a Comment